اكاديمية كتراج المرحله الاولي - فهم منظومة كتراج

1-  كتراج 

كتراج هي منصه تشغيل وتسويق زراعي رقميه

تربط بين :

-        المهندس الزراعي

-        المزارع

-        الشريك الزراعي ( المسوق )

-        التاجر

-        المورد

داخل نظام واحد منظم يعتمد علي :

-        الخدمه الفنيه

-        التكويد

-        الشبكه

-        العمولات التلقائيه

-        التقارير الميدانيه

كتراج ليست شركة بيع فقط – بل منظومة تشغيل سوق زراعي في شبكه واحده .

 

المشكله  التي جاءت كتراج لحلها

السوق الزراعي يعاني من :

-        بيع عشوائي

-        توصيات غير موثقه

-        غياب المتابعه

-        عدم وجود نظام ربط

-        ضياع مجهود المهندس

-        عدم عدالة توزيع الفرص

-        عدم توافر ضمان مادي اجتماعي شامل لكل العاملين في المجال

-        عدم وجود سجل نشاط حقيقي

كتراج جاءت لتحويل السوق من عشوائي الي نظام .

فكرة كتراج :

كتراج = منصة تربط السوق الزراعي + شبكة تسويق بالعموله + دعم فني علي الارض .

 

ماذا تفعل كتراج ..؟

كتراج تقوم ب:

-        تنظيم العلاقه بين كل اطراف السوق

-        تشغيل البيع من خلال التطبيق

-        توثيق الزيارات والتوصيات

-        ربط العملاء بكود واضح

-        حساب العمولات تلقائيا

-        دعم القرار الفني بالبيانات

-        تنظيم التجارب الحقليه

-        بناء شبكة توسع زراعي حقيقيه

نموذج كتراج في جمله واحده

كتراج = خدمه فنيه + نظام رقمي + شبكة توسع + عموله تلقائيه

 

كيف تعمل كتراج ..؟

1-مهندس او شريك يسجل

2-يحصل علي كود خاص

3-يربط العملاء بالكود

4-يتم تسجيل النشاط

5-تتم العمليات داخل النظام

6-تحسب العمولات تلقائيا

7-تكبر الشبكه

8-يزيد الدخل المستمر للجميع

 

الفرق بين كتراج والبيع التقليدي

 

دورك داخل كتراج

انت لست مستخدم تطبيق فقط .

انت جزء من :

-        شبكه

-        نظام

-        مشروع توسع

-        نموذج دخل مستمر

-        كيان مهني منظم

 

منظومة كتراج بتشتغل ازاي ؟

خلينا نبسطها ...

1- التطبيق ( المنصه ) 

هو المكان اللي كل حاجه بتحصل فيه :

- عرض منتجات 

ادارة الطلبات 

متابعة العمولات 

بناء الشبكه 

2- مهندس التنشيط 

ده قلب المنظومه .

دوره :

- ينزل السوق 

- يفهم المشاكل 

- ينشط المنتجات 

- يبني شبكه 

هو اللي بيحول النظريه لحركه حقيقيه 

3- الشركاء ( المسوقين )

أي شخص ممكن يكون شريك ( مسوق ) 

- مزارع 

- تاجر 

- مهندس 

- حتي شخص عادي 

كل واحد معاه كود ....ويقدر يبني شبكه خاصه بيه .

ليه اسمها كتراج ..؟

لأنها مش مجرد شركه ...

هي حركه داخل السوق الزراعي .

هدفها :

- تنظيم السوق 

- رفع كفاءة الانتاج 

- خلق فرص دخل حقيقيه 

- بناء مجتمع زراعي متعاون 

فكرة كتراج الحقيقيه 

كتراج لاتبيع منتجات فقط ...

كتراج تبني :

- شبكه 

- سوق 

- مصدر دخل 

- مستقبل مهني 

الخلاصه 

كتراج هي :

- منصه رقميه 

- شبكه تسويق

- نظام عمولات 

- دعم فني زراعي 

- وفرصه لبناء دخل حقيقي 

" كتراج مش بتبيع منتج ... كتراج بتبيع نظام تشتغل وتكسب منه طول العمر 

2- برنامج تدريب مهندس تنشيط مبيعات كتراج

مدة البرنامج : 7-10 ايام 

المهندس لا ينزل الميدان الا بعد اجتياز البرنامج

ملخص البرنامج التدريبي 

أولا: دور مهندس تنشيط المبيعات في كتراج ... من أنت في كتراج ؟

مهندس تنشيط مبيعات

وهذا الدور ليس مندوب بيع تقليدي .

وليس محصل اموال .

ولست ملتزم بتارجت بيع .

أنت عنصر ربط فني وميداني داخل المنظومه الزراعيه الرقميه .

مهمتك الاساسيه هي : خدمه + تشخيص وتوصيه +تعلم و تعليم + بناء شبكه

يعني ايه تنشيط مبيعات ؟

تنشيط المبيعات في كتراج لا يعني الضغط للبيع .

بل يعني :

-        فتح علاقات مع العملاء

-        فهم احتياج العملاء والسوق

-        تقديم توجيه فني ارشادي

-        ربط العميل بنظام كتراج

-        تحفيز الاستخدام والشراء من كتراج

-        ادخال شركاء ( مسوقين ) محتملين لتسويق منتجات كتراج

أنت تنشط المنظومه – لا تبيع فقط

    لماذا هذا الدور مهم ؟

لانك :

-        أول نقطة ثقه بين العملاء وكتراج

-        أول نقطة ربط بين العميل وكتراج

-        أول نقطة دخول لشبكه كتراج

نجاحك في الميدان = نمو الشبكه = نمو دخلك .

 

مبدأ النظام :

أي مهندس لايستطيع العمل ع السيستم ولا تكويد ( ربط ) عملاء

ولا احتساب عمولات الا بعد :

-        اكمال التدريب

-        اجتياز التقييم

-        توقيع الموافقات

-        الحصول علي حالة :معتمد

 

المرحله الاولي : فهم المنظومه

1- كتراج 

 2- برنامج تدريب مهندس تنشيط مبيعات كتراج 

-        لماذا شبكه وليس بيع تقليدي

-        فلسفة الشبكه

-        كتراج نظام لامركزي

الفرق بين مهندس وشريك (مسوق )

-        نظام النصف المتتالي

-        كيف تنمو الشبكه

 

المرحله الثانيه – الميدان والعملاء

فهم العميل الزراعي

يشمل

-        انواع العملاء

-        سيكلوجية العميل الزراعي

-        كيف تجعل العميل هو من يطلب التعامل معك

-        كيف تتحول من مندوب عادي الي شخص السوق كله يبحث

عنه

-        كيف يتحول كل شخص تقابله الي بذرة شبكه بدون ان تطلب منه ان يصبح شريك ( مسوق ) كتراج

-        كيف تجعل الشريك الجديد يؤمن بالحلم

-        أول 30 يوم للشريك الجديد

-        كيف تتحول من بناء أفراد الي بناء قادة شبكه

-        كيف تجعل شبكة كتراج تعمل حتي عندما لاتكون موجودا

-        كيف تجعل السوق يطلب كتراج بدلا من ان تبحث انت عن السوق

-        كيف تصنع اول بؤرة انتشار لكتراج داخل منطقه زراعيه

-        كيف تشعل حركة بيع حقيقيه في السوق الزراعي

-        كيف تجعل كل منتج تطلقه يتحول الي حدث في السوق

-        مرحلة الاحتراف

-        مرحلة بناء القاده

-        مرحلة الاحتراف القيادي

-        مرحلة الشبكات الذاتيه

-        مرحلة القياده العميقه

-        مرحلة صناعة الاسواق

-        مرحلة المرجعيه المهنيه

-        المرحله الختاميه

-        دليل تشغيل مهندس التنشيط من أول يوم عمل حتي الاحتراف

 

 مهارات الحديث والاقناع

يشمل :

-        اسكريبت التعريف

-        شرح كتراج ببساطه

-        شرح التكويد ( الربط )

-        الرد علي الاعتراضات

-        تحويل عميل الي شريك ( مسوق )

مطلوب : رفع تقرير زياره تجريبي

مطلوب تسجيل صوتي بالاتي

عرف نفسك

اشرح كتراج لعميل

اشرح التكويد

ازاي تحول عميل الي شريك

 

المرحله التالته –  المسار الفني الزراعي

الهدف :

تجهيز المهندس بمعرفه زراعيه عمليه كافيه للميدان .

1- كيف تشرح المنتج والماده الفعاله باسلوب يفهمه العميل الزارعي

2- أساسيات التشخيص الزراعي

3- كيف تبني الثقه في أول 3 زيارات

4- التشخيص الزراعي السريع في الحقل

5-اكاديمية كتراج الزراعيه

لادارة المزرعه لابد من معرفة معلومات اساسيه عن كل محصول .

-        المراحل الفسيولوجيه لكل نبات

-        اهم مشاكل واحتياجات كل مرحله

-        ادارة عمليات التسميد والرش لكل محصول 

6-العناصر الغذائيه

         

7-مجموعات المواد الفعاله مبيدات

فطريه

حشريه

اكاروسيه

نيماتوديه

حشائش

 

8-قراءة بطاقة المبيد / السماد

يتعلم :

-        الماده الفعاله

-        التركيز

-        المجموعه

-        التحذيرات

-        فترة الامان

9 -     حدود صلاحيات المهندس

-        لا يغير جرعات

-        لا يخلط مركبات عشوائي

   

المرحله الرابعه : استخدام التطبيق

يشمل :

-        تسجيل عميل

-        تكويد عميل

-        تسجيل زياره

-        رفع صور

-        تسجيل حاله

-        طلب تجربه

-        تجربة منتج

-        التقارير

التقييم

3- وثيقة تعريف المندوب بالبرنامج والمنظومه

" نظام التسويق الالكتروني الزراعي "

رساله مباشره ليك كمهندس تنشيط مبيعات في كتراج

اهلا بيك ...

خليني ابدأ من نقطه واضحه جدا : انا مش بدور علي ناس تبيع وبس , انا بدور علي ناس تشتغل , تتعلم , وتكبر

احنا بنعمل ايه بالظبط  ...؟

احنا بنبني برنامج تسويق الكتروني زراعي قائم علي 3 أركان :

1- تطبيق زكي

2- مندوب فاهم السوق

3- تجربه حقيقيه من الارض

التطبيق ده : مش كتالوج أسعار ومش مجرد مكان نرفع عليه منتجات , ده أداة شغل ف ايدك

التطبيق هيقدملك ايه كمندوب ...؟

التطبيق معمول علشان يساعدك انك تعرض المنتج الصح للعميل الصح , تبيع وانت متطمن , عمولتك تتحسب تلقائي , يبقي ليك سجل شغل واضح , وتبني اسمك في السوق

جوه التطبيق هتلاقي

-        منتجات متقسمه صح

-        معلومات فنيه هتتشرح لك

-        ملفات محاصيل ( هتتبني خطوه خطوه )

-        نظام أوردرات وتتبع

-        نظام عمولات

-        ( team  ) نظام شبكه

احنا هنعلمك ايه ...؟

من اول يوم انت مش هتترمي في السوق

انت هتتدرب علي :

-        فهم السوق الزراعي صح

-        ازاي تختار المنتج المناسب للمشكله

-        ازاي تتكلم مع المزارع بثقه

-        ازاي تستخدم التطبيق خطوه بخطوه

-        ازاي تسجل اوردر للعميل وازاي يبقي عميلك طول الوقت

-        ازاي تخلي العميل يبقي مسوق وتستفيد من عمولاته

-        ازاي تتابع العميل بعد البيع

 

المطلوب منك ايه فعلا ...؟

المطلوب منك 3 ادوار أساسيين

1-مندوب بيع محترف

تنزل السوق

تبني علاقات

تعرض حلول مش منتجات

2-عنصر فعال في المنظومه

تنقل مشاكل حقيقيه من الارض

تتابع نتائج استخدام المنتجات

تشارك بالمعلومه

3-شريك في بناء الشبكه

-        تجذب ناس تشتغل

-        تعلمهم اللي اتعلمته

-        شغال تبني تيم صح كانك بتأسس قواعد بيتك

يعني ايه شبكه ....؟

الشبكه هنا :

-        مش كلام وهمي

-        ومش فلوس من الهوا

الشبكه معناها :

-        ناس بتشتغل بجد

-        ناس بتبيع منتجات حقيقيه

-        وعمولات مبنيه علي شغل حقيقي

انت :

-        بتبيع

-        وتكسب من بيعك

-        وتكسب من شغل فريقك

 

ملفات المحاصيل علي التطبيق  والتجارب اللي هنوثقها جزء مهم جدا من شغلنا

كل محصول في التطبيق هيبقي ليه ملف والملف ده مش هييجي من المكتب ... هييجي من الارض وده دورك

-        تعمل تجارب

-        تتابع نتائج

-        توثق

نجح يتسجل , فشل يتسجل علشان اللي بعدك يستفيد

 

الصراحه قبل ما نكمل

الشغل ده

-        محتاج التزام

-        محتاج نزول سوق

-        محتاج عقل مفتوح

مش مناسب للي

-        مستني دخل من غير مجهود

-        للي مش حابب يتعلم

-        للي عايز يبيع وخلاص

لكن مناسب جدا للي

-        عايز يبني اسم

-        عايز يتعلم بجد

-        عايز دخل يكبر مع الوقت

لو حسيت ان الكلام ده شبهك يبقي احنا ممكن نكمل

هتقرا , هتتدرب , هتنزل , وهتغلط ونتعلم وفي الاخر انت اللي هتبني نفسك والبرنامج هيساعدك .

4- الفرق بين مهندس تنشيط المبيعات في كتراج , وشريك ( مسوق )كتراج , و قائد ( قائد مسوقين )كتراج

لماذا يوجد اكثر من دور داخل شبكة كتراج ؟

نظام كتراج مبني علي تشغيل السوق من خلال ادوار مختلفه , كل دور له وظيفه محدده تكمل الدور الأخر :

-        مهندس يشغل السوق

-        شريك يوسع الشبكه

-        قائد يدير التوسع

تكامل الأدوار = شبكه قويه +نمو سريع + دخل أعلي للجميع .

 

أولا – مهندس تنشيط المبيعات

من هو ؟

ممثل ( موظف ) كتراج الميداني الرسمي في السوق يعمل علي تشغيل الطلب وبناء العلاقات الفنيه مع العملاء .

ماذا يفعل ؟

-        ينزل زيارات ميدانيه

-        يشرح المنتجات فنيا

-        يتابع العملاء

-        ينشط الطلب

-        يساعد في ادخال شركاء جدد

-        يدرب الشركاء علي التشغيل الصحيح

-        يرفع تقارير نشاط داخل التطبيق

-        ينفذ خطط التشغيل

 

كيف يحصل علي دخله ؟

-        مرتب أساسي

-        نصف العموله الشبكيه من عملائه وشبكته

-        حوافز ومكافئات اداء

مستوي الالتزام

التزام عالي – لانه يعمل تحت نظام وتشغيل الشركه

ثانيا – شريك كتراج الزراعي

من هو ؟

شريك حر يعمل بالعموله , ليس موظف بالشركه

ماذا يفعل ؟

-        يربط عملاء بالكود الخاص به

-        يرشح المنتجات

-        يوجه العملاء للشراء عبر المنصه

-        يبني شبكة علاقات

-        يدخل شركاء جدد

-        ينشر فكرة كتراج

كيف يحصل علي دخله ؟

-        نصف العموله الشبكيه المتتاليه من شبكته

-        لا يوجد مرتب ثابت – الدخل من النشاط فقط

مستوي الالتزام

-        التزام بسياسات الشركاء بدون التزامات وظيفيه

 

ثالثا – قائد كتراج

من هو ؟

-        شريك تمت ترقيته لمستوي قيادي يقود مجموعة شركاء .

ماذا يفعل ؟

-        يدرب الشركاء الجدد

-        يتابع أداء مجموعته

-        يساعد في تشغيل الشبكه

-        ينشر النظام الصحيح

-        يدعم مهندس التنشيط

-        يمنع الممارسات الخاطئه

-        يرفع تقارير قياده

كيف يحصل علي دخله ؟

-        نفس نظام العموله الشبكيه

-        مكافئات قياده

-        حوافز أداء شبكه

مستوي الالتزام

-        التزام قيادي – اعلي من الشريك وأقل من الموظف

قاعدة كتراج الذهبيه

-        مهندس التنشيط يشغل السوق

-        الشريك يوسع الشبكه

-        القائد يقود التوسع

-        النظام يضمن استمرارية الربح للجميع 

5- فلسفة الشبكه في كتراج

ما معني " شبكه " في كتراج ؟

الشبكه في كتراج ليست تجميع أشخاص , وليست تسجيل أسماء , وليست دعوات فقط .

الشبكه في كتراج = نشاط مترابط .

كل شخص فيها :

-        يخدم

-        يشغل

-        يربط

-        يتابع

-        يضيف قيمه

 

في كتراج :

لسنا نبني طبقات عموله فقط

نحن نبني :

-        طبقات خدمه

-        طبقات تأثير طبقات تشغيل

-        طبقات معرفه

العموله نتيجه – وليست الهدف الاساسي

 

فلسفة كتراج تقول :

لا عموله بدون قيمه , لا ربط بدون خدمه , لا توسع بدون تشغيل .

" كل دخل في الشبكه يجب أن يكون خلفه نشاط حقيقي ."

 

لماذا الشبكه عادله ؟

لأنها تعتمد علي :

-        تسجيل النشاط

-        التكويد

-        التوثيق

-        النظام الالي

-        التقييم

ليس علي العلاقات فقط , ولا علي القرب من الأداره , ولا علي التقدير الشخصي

 

الشبكه كأثر مهني

في البيع التقليدي : تبيع ينتهي الأثر

في شبكة كتراج :

تخدم  يتسجل الأثر

تربط  يتسجل الأثر

تبني  يتسجل الأثر

لك بصمه رقميه مهنيه .

 

فلسفة التوسع

التوسع في كتراج ليس ضغطا علي الناس , وليس الحاحا , وليس وعودا .

التوسع =

خدمه جيده

ثقه

استخدام

شراكه

توسع طبيعي

 

فلسفة القياده في الشبكه

القائد في شبكة كتراج

لا يجمع الناس بل يشغل الناس

لا يطلب نتائج  بل يبني قدره

لا يبحث عن عدد بل عن نشطين

 

الشبكه كأصل

فلسفة كتراج تعتبر الشبكه :

-        أصل مهني

-        أصل دخل

-        أصل تأثير

-        أصل بيانات

-        أصل علاقات

تنمو مع الوقت ولا تعاد من الصفر كل شهر

 

أخلاقيات الشبكه

شبكة كتراج تقوم علي :

-        الصدق

-        الوضوح

-        العداله

-        التوثيق

-        القيمه

لا وعود مبالغ فيها / لا دخل بدون عمل , لا ربط بدون متابعه

" شبكة كتراج لا تبني بالانضمام – تبني بالتشغيل ."

6- كيف تنمو شبكة كتراج ؟

شبكة كتراج لا تنمو بالدعوات فقط .

ولا بالتسجيل فقط .

ولا بالأسماء .

شبكة كتراج تنمو بالنشاط .

نشاط = ربط + خدمه + تشغيل + متابعه

 

نقطة البدايه

النمو يبدأ من شخص واحد نشط :

مهندس تنشيط أو شريك كتراج

يبدأ ب:

-        ربط عملاء

-        خدمه فعليه

-        تسجيل نشاط

-        شرح النظام

 

النمو عبر العملاء

بعض العملاء بعد فتره :

-        يثق في النظام

-        يري الفائده

-        يعرف ناس في المجال

-        يريد دخل اضافي

فيتحول من عميل الي شريك

وهنا تبدأ أول نقطة توسع .

 

النمو عبر الشركاء

كل شريك نشط يمكنه :

-        ربط عملاء جدد

-        ربط شركاء جدد

-        تشغيل علاقاته الزراعيه

-        ادخال تجار أو مهندسين

-        وهكذا يتضاعف النمو

 

النمو عبر المهندسين

المهندس لا ينمو وحده فقط –

هو ايضا :

-        يعرف شركاء

-        يدرب شركاء

-        يرفع كفاءة الشبكه

-        يشغل السوق

المهندس = محرك النمو

 

قاعدة النمو الذهبيه في كتراج

كل شخص نشط = نقطة توسع

ليس العدد هو المهم – النشاط هو المهم

10 نشطين أفضل من 100 مسجل غير نشط

 

أدوات النمو داخل النظام

كتراج تساعد علي نمو الشبكه من خلال :

-        كود ربط شخصي

-        رابط تسجيل مباشر

-        تتبع الشبكه

-        عمولات ممتده

-        تدريب موحد

-        سياسات واضحه

-        تعلم واكتساب خبره سوقيه عاليه 

-        نظام تجارب

-        تقييم أداء

النمو مدعوم بالنظام – ليس عشوائي

 

كيف لا تنمو الشبكه ؟

الشبكه لا تنمو اذا :

-        تم التسجيل بدون تشغيل

-        لا يوجد زيارات

-        لا يوجد ربط عملاء

-        لا يوجد شرح نظام

-        لا يوجد متابعه

-        لا يوجد نشاط مسجل

 

 

معادلة النمو في كتراج

نمو الشبكه =

نشاط ميداني

-        ربط عملاء

-        تشغيل شركاء

-        متابعه

-        تدريب

-        نظام

" في كتراج :

لا تبني شبكه بالكلام – تبنيها بالنشاط المسجل ."

7- نظام النصف المتتالي في كتراج

ماهو نظام النصف المتتالي ؟

نظام النصف المتتالي هو نظام توزيع عمولات شبكي في كتراج يقوم علي مبدأ :

كل من ساهم في ربط وتشغيل عميل يحصل علي نصف قيمة العموله المعلنه علي المنتج بشكل متتالي عبر السلسله .

يعني : كل مستوي في الشبكه يأخذ نصف عمولة المستوي الذي بعده – بشكل الي من خلال النظام .

الفكره ببساطه

لو عمولة عملية بيع = 100 جنيه

يتم توزيعها كالتالي :

-        البائع المباشر ( مهندس , شريك , قائد ) يحصل علي 50% من قيمة العموله

-        البائع للبائع المباشر يحصل علي 25%من قيمة العموله

-        الذي فوقه يحصل علي 12.5 %من قيمة العموله

-        الذي فوقه يحصل علي 6.25 من قيمة العموله

-        وهكذا

التقسيم يستمر تلقائيا حسب عمق الشبكه المسجل في النظام وحتي 1 جنيه .

متي يبدأ الاستحقاق ؟

تبدأ العموله عندما :

-        يتم ربط العميل بالكود

-        تتم عملية شراء فعليه عبر المنصه

-        يتم تسجيل العمليه في النظام

-        لا يوجد مخالفة سياسات

من يدخل في سلسلة النصف المتتالي ؟

يدخل في السلسله :

-        مهندس التنشيط المرتبط

-        شريك كتراج الذي قام بالربط

-        القائد الذي يتبعه

-        أي مستوي أعلي في الشبكه مسجل بالكود

النظام لايفرق بين موظف وشريك – يفرق فقط حسب سلسلة الربط المسجله .

لماذا يستخدم كتراج نظام النصف المتتالي ؟

لأنه :

-        عادل

-        الي

-        لايحتاج تدخل يدوي

-        يكافئ من بني الشبكه

-        يكافئ من ساهم في التشغيل

-        يشجع علي التوسع الطبيعي

-        يمنع الصراعات علي العمولات

-        تطبيق مبدأ المكسب للجميع

ما الذي لا يؤثر علي العموله ؟

لا يؤثر علي توزيع النصف المتتالي :

-        القرب من الاداره

-        العلاقات الشخصيه

-        التقدير الفردي

-        التفاوض

التوزيع يتم فقط عبر شبكة الكود المسجله بالنظام

" نظام النصف المتتالي لا يكافئ من سجل الاسم فقط بل يكافئ من بني شبكه تعمل وتشتري

ماذا يشجع هذا النظام ؟

يشجع علي :

-        تدريب من تدخلهم

-        متابعة شبكتك

-        مساعدة الشركاء

-        تشغيل العملاء

-        بناء شبكه نشطه لا شكليه

القاعده الذهبيه

في كتراج : ابن شبكه تعمل – وليس شبكة ارقام .

 

8- لماذا شبكه وليس بيع تقليدي

السؤال الاساسي

لماذا لانعمل بنظام البيع التقليدي فقط ؟

لماذا اختارت كتراج نموذج الشبكه المنظمه ؟

الاجابه :

لأن السوق الزراعي لا يبني بعملية بيع واحده – بل يبني بعلاقات ونشاط ممتد .

مشكلة البيع التقليدي

البيع التقليدي يعتمد علي :

-        صفقه – عموله – انتهت العلاقه

-        مجهود لحظي

-        دخل غير مستمر

-        لا يوجد اثر طويل المدي

-        لا يوجد توسع تلقائي

-        لا يوجد نظام ربط

النتيجه كل شهر تبدأ من الصفر .

 

ماذا يحدث في الشبكه ؟

في نموذج الشبكه :

-        كل عميل يتم ربطه بكود

-        كل نشاط يسجل

-        كل شخص يدخل من خلالك يصبح جزء من أثرك

-        كل شبكه تنمو= دخلك ينمو

-        النشاط يتحول الي أصل (Asset) وليس مجرد صفقه

في البيع التقليدي تبيع تاخد عموله مره واحده

 

نموذج الشبكه :

تنشط  - تبني شبكه – تحصل علي عموله ممتده من نشاط العملاء المرتبطين بك ونشاط من دخلو من خلالهم

( حسب نظام النصف المتتالي المعتمد في كتراج )

 

الفرق في التأثير

البيع التقليدي :

-        تؤثر في عميل

 

الشبكه تؤثر في :

-        عميل

-        شريك

-        مهندس

-        شبكة عملاء

-        شبكة شركاء

أثر مضاعف

 

 

الفرق في الاستقرار

البيع التقليدي = دخل متذبذب

الشبكه = دخل تراكمي

كل نشاط تضيفه اليوم يظل يعمل لك غدا

 

لماذا الشبكه مناسبه للقطاع الزراعي تحديدا ؟

لان القطاع الزراعي :

-        قائم علي العلاقات

-        قائم علي الثقه

-        قائم علي التوصيه

-        قائم علي التجربه

-        قائم علي الانتشار المحلي

-        ونموذج الشبكه المنضبطه يخدم هذا الواقع .

 

هل الشبكه تعني التعقيد ؟

في كتراج : لا .

الشبكه في كتراج :

-        بكود بسيط

-        ربط مباشر

-        نظام تلقائي

-        حساب عمولات الي

-        بدون تشعب اداري

-        بدون تعقيد حسابي

" نحن لا نستبدل البيع – نحن نحوله الي نظام ممتد ."

9- كيف تستخدم كودك لبناء شبكه بدون الحاح ولا بيع مباشر

في البدايه ...

خلي بالك من الحقيقه دي :

الشبكات لاتبني بالاقناع , الشبكات تبني بالفضول

الناس ما بتحبش حد يبيع لها , لكن تحب تسأل بنفسها .

اذن دورك مش تقنع , دورك تفتح باب

 

القاعده الذهبيه

" انت لا تقول : سجل من خلالي , انت تجعل الاخر يقول : أدخل ازاي ؟

الفرق بينهم كبير 

أهم مبدأ

أنت لاتعرض , أنت تلمح

أنت لاتطلب , أنت تترك مساحه

أنت لاتشرح فورا , أنت تخلق سؤال

 

لماذا الطريقه دي تعمل ؟

لأن الانسان يقاوم الاقتناع , ولا يقاوم الاكتشاف

لما هو يطلب الدخول , يبقي مقتنع 50% قبل ما تبدأ

 

 

متي تعطيه الكود ؟

ليس عندما تفكر انت , بل عندما يسأل هو :

أدخل ازاي ؟

وقتها فقط أرسل الكود ... بلا شرح طويل

واجعل النظام يشرح نفسه .

 

الخطأ الشائع

أطول شرح = أقل تسجيل

أقصر فضول = أكبر شبكه

 

شبكتك لن تكبر بعدد من أقنعتهم , بل بعدد من طلبو الدخول بأنفسهم

لا تبني ضغط , ابني اهتمام

الكود مفتاح , وليس اعلان

11- جلسة أطلاق شريك كتراج

اقعد معاه بهدوء ... وخليك واثق .. وتكلم كأنك شايف الصوره قدامك .

وقوله :

بص .. قبل ما اشرح لك التطبيق ..

وقبل ما اشرح لك العمولات ..

خليني أقولك احنا بنبني ايه .

احنا في كتراج مش شركه بتبيع منتجات زراعيه وخلاص , احنا بنبني أكبر شبكة زراعيه مترابطه في مصر , شبكة ناس بتخدم الزراعه بجد , وبتكسب منها , وبتكبر مع بعض .

أنا مش جاي أديك شغل , أنا جاي أديك أصل بيتبني باسمك .

تخيل كده بعد سنه ...

تفتح موبايلك

تلاقي شبكه تحت اسمك

ناس بتشتغل

عملاء بيشترو

شركاء بينضمو ا

عمولات نازله

العميل اللي متكود في شبكتك لو اشتري بعد سنه من ع المنصه انت نازلك عمولات

ليه ؟

انت زرعت شبكه .. مش عملت بيعه وخلاص .

 

في البيع التقليدي – تشتغل = تكسب

ما تشتغلش = مفيش

في الشبكه – تبني مره = تكسب كتير

فرق كبير .

زي الفرق بين اللي يزرع نخله وبين اللي يشتري البلح ويبيعه

 

خليه يقرب ..

وافتح لوحة التحكم .

قوله :

شايف الشاشه دي ؟

دي مش لوحة حساب ...

دي لوحة أصول .

كل اسم هنا = أصل

كل كود مرتبط بيك = اصل

كل عمليه شراء تحتك = دخل متكرر

انت مش بتجري ورا عميل , انت بتبني تدفق .

اشرح له النصف المتتالي ببساطه محفزه :

العموله هنا مش مره واحده وخلاص دي سلسله

كل ما الشبكه تحتك تكبر , الدخل يتحرك

زي جدول ميه ماشي تحت ارضك كل ما الارض توسع , الميه تزيد .

 

اتكلم معاه علي فكرة الامان والدخل

قوله :

انا مش بوعدك بفلوس سريعه , أنا بوعدك بنظام عادل

كل حاجه محسوبه , كل حركه مسجله , كل عموله ظاهره قدامك , تقدر تعرف جايه منين ومن أي عملية شراء وتتبعها

كل حاجه محسوبه

كل حركه مسجله

كل عموله ظاهره قدامك

مفيش مزاج

مفيش تقدير شخصي

في سيستم .

 

اربطه بالحلم الاكبر :

كتراج مش مشروع صغير

كتراج شبكه هتضم :

مزارعين

تجار

مهندسين

مزارع

شركات

واللي يدخل بدري ...

غير اللي يدخل متأخر .

زي اللي اشتري أرض قبل العمران .

 

دلوقتي هنا اللحظه المهمه

اسكت شويه ..

وخليه هو اللي يسأل :

أبدأ ازاي ؟

ساعتها بس تقول :

ابدأ بكودك

أي حد تعرفه في المجال الزراعي

اربطه

مش تبيعله

اربطه وخليه يشوف النظام

انت مش بتقنع

انت بتفتح باب .

 

اقفل الجلسه كده :

أنا دوري أبني النظام

دورك تبني شبكتك

والسيستم هيبني دخلك

 

واحنا مش بنجري

احنا بنزرع

والزرع الحقيقي ...

بيعيش .

 

12- أول متابعه بعد انضمام شخص من كودك

( المكالمه التي تصنع شريكا ... أو رقما )

أغلب الناس أول ما حد يسجل من خلالهم يعملو ايه ؟

يبدأو شرح طويل ...

أو يختفو خالص .

الاتنين غلط .

الشخص اللي دخل لتوه حالته النفسيه اسمها :

فضول حذر

هو مهتم ... بس مراقب .

فلو ضغت عليه – يقفل , ولو سيبته – يبرد .

اذن نعمل ايه ؟

نعمل مكالمه خفيفه ... قصيره ... لكن ذكيه .

 

التوقيت

كلمه خلال 24 ساعه فقط , ومش فورا بعد التسجيل , ومش بعد ايام .

ليه ؟

علشان ياخد نفس ...

لكن مينساش السبب اللي خلاه يدخل .

بداية المكالمه

ما تقولش :

شفت التطبيق ؟

فهمت حاجه ؟

غلط

ابدأ كده :

اهلا يافلان

" نورت الشبكه ... وأنا حابب اطمن ان البدايه كانت سهله عليك "

وقف ثانيه ... وخليه يرد

-        هدف المكالمه الحقيقي

مش تشرح

مش تقنع

مش تطلب منه يجيب حد

هدف المكالمه الوحيد :

تجعله يشعر انه دخل مكان حي

 

اسأله السؤال الذكي

قول :

ايه أكتر حاجه لفتت نظرك أول ما فتحت التطبيق ؟

السؤال ده مهم جدا

لانه يخليك تعرف هو داخل بعقلية ايه :

-        فضول

-        فلوس

-        منتجات

-        تجربه

ومن هنا تعرف هتكلمه ازاي بعد كده .

 

طمنه

بعد ما يرد ... قوله :

حلو ...

خد وقتك تتفرج

مفيش حاجه مطلوبه منك تعملها بسرعه احنا بنفهم الاول وبعدين نتحرك .

هنا انت بتقتل خوف البيع عنده .

 

-        وجه نظره بدون امر

قوله :

بس ركز بس علي حاجتين دلوقتي

-        شبكتك هتظهر ازاي

-        والعمولات بتتحسب ازاي

الباقي هتفهمه لواحدك مع الوقت

 

ازرع الفكره

وقبل ما تقفل ... قوله بهدوء :

هتلاحظ أن أي حد تعرفه في المجال لما يشوف الفكره هيسأل زيك كده وقتها ابعتلي وانا اتكفل بالشرح

 

انت كده ما طلبتش منه يجيب حد لكن زرعت سلوك طبيعي .

 

نهاية المكالمه

اقفل ببساطه :

احنا مش مستعجلين

احنا بنبني حاجه تعيش

وانا معاك خطوه بخطوه

 

ممنوع تقوله في اول مكالمه

-        هتكسب كام

-        هتجيب كام واحد

-        اشتغل بسرعه

-        لازم تبدأ دلوقتي

كل ده بيحوله لمندوب ... مش شريك

 

الرساله داخل الصفحه

-        أول مكالمه لا تشرح النظام

-        أول مكالمه تشرح الامان

لما يطمئن ... يتحرك

ولما يتحرك .... الشبكه تكبر

13- خريطة تطور مهندس التنشيط  داخل كتراج

الفكره هنا بسيطه جدا

الانسان يتحفز عندما يري طريقه واضح .

يعني المهندس يفتح التطبيق يعرف فورا :

-        أنا فين

-        ناقصني ايه

-        أوصل لايه بعد كده

-        دخلي ممكن يبقي كام

المستويات الرسميه لمهندس التنشيط

كل مستوي مش لقب ...

بل مرحلة تأثير في السوق .

المستوي الاول  - مهندس تنشيط متدرب

هدف المرحله

فهم السوق + فهم النظام

المطلوب

-        انهاء تدريب أكاديمية كتراج

-        أول زياره ميدانيه

-        ادخال أول شركاء

-        أول حركة بيع

 

التطبيق يظهر له :

-        الدروس

-        مهام يوميه

-        تقييم المشرف

المستوي الثاني – مهندس تنشيط معتمد

هنا يبدأ الشغل الحقيقي .

المطلوب

-        شبكة شركاء نشطه

-        حركة تداول منتجات

-        زيارات ميدانيه منتظمه

-        تقارير مرفوعه باستمرار  

 

المستوي الثالث – قائد تنشيط منطقه

هنا يتحول من فرد – قائد

المطلوب

-        وجود قاده تحت اشرافه

-        تنشيط منتجات في منطقه كامله

-        تحقيق نمو شهري

التطبيق يضيف له :

-        لوحة اداء المنطقه

-        مقارنة الاسواق

-        مكافئات قياده

 

المستوي الرابع – صانع سوق كتراج

مش كل الناس توصل هنا .

المطلوب

-        خلق طلب فعلي علي منتجات كتراج

-        نجاح حملات تنشيط

-        شبكه مستقله تعمل باستمرار

يفتح له :

-        مشاركه في قرارات السوق

-        اطلاق منتجات جديده

-        عمولات قياده موسعه

المستوي الخامس – شريك نمو كتراج

اعلي مستوي .

انت هنا لم تعد موظفا ...

أنت أحد بناة المنظومه .

صلاحيات خاصه :

-        تدريب مهندسين جدد

-        فتح مناطق جديده

-        مشاركه استراتيجيه مع الاداره

 

كيف يري المهندس مستواه داخل التطبيق ؟

داخل لوحة التحكم يظهر :

-        مستواك الحالي

-        نسبة التقدم

-        اهداف المستوي القادم

-        الدخل المتوقع عند الترقيه

-        المزايا التي ستفتح

يعني التطبيق نفسه يصبح مدرب شخصي .

 

السر النفسي وراء النظام

أكبر مشكله في الشركات الزراعيه :

المهندس لا يري مستقبله .

لكن في كتراج :

المهندس يري طريقا واضحا للنمو .

وده يخلي الناس لاتترك المنظومه .

 

قاعدة كتراج الذهبيه

كل مهندس تنشيط ناجح ... يخلق قاده ...

وكل قائد يخلق سوقا جديدا .

14- كتراج نظام لا مركزي

( أنت تبني شركه ... من غير ما تشيل هم شركه )

 

تخيل معايا المشهد ده ...

واحد نفسه يبني شركة تسويق زراعي .

هيحتاج ايه ؟

-        مخزن

-        بضاعه

-        تحصيل

-        مندوبين مبيعات

-        شحن وتوريد

-        خدمة عملاء

-        دعم فني

-        مهندسين تنشيط

-        رأس مال

-        مخاطره

دوامه كامل

كتراج قالت له :

" ابني شركتك ... واحنا نشيل عنك الدوامه دي ."

انت لا تنضم .... أنت تمتلك مفتاح .

أول ما تمسك كودك , أنت امتلكت حق انشاء شبكه .

-        شبكة عملاء

-        شبكة مسوقين

-        شبكة حركة بيع

تقدر تكبرها , توسعها , تضاعفها .

لكن ...

من غير ما تشيل هم تشغيلها .

-        أنت لا تحصل أموال

-        أنت لا توصل بضاعه

-        أنت لا تخزن منتج

-        أنت لا تتعامل مع شكاوي

-        أنت لا تدير شحن

كل ده شغال بالفعل.

في :

-        دعم فني وتنشيط

-        نظام طلبات

-        خدمة شحن وتوصيل

-        متابعه تشغيليه

المنظومه قائمه .

وأنت دورك أبسط ... وأقوي .

 

دورك الحقيقي

-        تحكي تجربتك

-        تتكلم عن الفكره

-        توصل مفهوم النظام

-        تفتح باب لغيرك

بس .

من غير ضغط

من غير بيع مباشر

من غير وعود

فقط توصل الفكره ... والمنظومه تتحرك .

 

تخيل نفسك بعد سنه

-        عندك شبكه من العملاء

-        تحتك مسوقين بيتحركوا

-        في مهندسين بينشطوا السوق

-        طلبات بتطلع

-        شحن بيتحرك

-        عمولات بتدخل

وأنت ؟

-        ولا ماسك كرتونه

-        ولا بتجري ورا تحصيل

-        ولا بتقف في مخزن

انت بنيت كيان ... والكيان بيشتغل .

 

طب فين الفرق بين شريك ( مسوق ) كتراج ومهندس الدعم الفني والتنشيط

مهندس التنشيط والدعم الفني .

-        ممثل رسمي للشركه

-        يتم اختياره من قبل ادارة الشركه بعد انترفيو واختبارات

-        يحصل علي كل مزايا العمل في الشركات من مرتبات وحوافز وغيرها

-        وعليه التزامات وواجبات وله سياسات جزاءات وانضباطات

-        بينزل الارض وبينشط السوق فعليا

-        عمولاته من توسع شبكته

شريك ( مسوق ) كتراج

-        مستقل لا يمثل الشركه

-        يركز علي نشر الفكره

-        عمولاته من توسع شبكته

لكن الاتنين لهم نفس القدره في بناء شبكه , ونفس الحق في تكبير دخلهم .

 

ده مش بيع .... ده بناء تدفق

كل شخص يدخل من خلالك , هو خط محتمل لدخل

كل مسوق يتحرك , هو مضاعف نشاط

 

وأنت مش محتاج تمسك التفاصيل , لأن التفاصيل ليها منظومه كامله .

أنت تركز علي النمو , والتشغيل شغال .

 

كتراج مش فرصه بيع

كتراج فرصة بناء كيان تسويقي مدعوم بمنظومه جاهزه .

تخيل انك تفتح شركه , لكن مش مطالب تديرها .

عندك:

-        النظام

-        الدعم

-        الشحن

-        المتابعه

-        المنتج

والمطلوب منك بس :

-        تحكي ....

-        تربط ...

-        توسع .

 

الخلاصه :

كل عضو في كتراج  يقدر يكون شركة تسويق زراعي قائمه بذاتها

-        من غير رأس مال

-        من غير ادارة معقده

-        من غير ضغط تشغيلي

      معاه كود

      معاه نظام

     معاه منظومه

والفرق الوحيد بين عضو عادي , وصاحب كيان حقيقي

هو قرار التوسع .

 

 

15- كيف تبني الثقه في أول 3 زيارات

( من مهندس غريب ل شخص يعتمد عليه )

حكايه من السوق

اتنين مهندسين زارو نفس المزارع .

الاول : شخص – كتب توصيه – مشي – اختفي

التاني : شخص – شرح – تابع – رجع سأل – عدل .

بعد شهر ...

المزارع بقي يتصل علي التاني بالاسم .

الفرق مش في العلم ...

الفرق في الثبات والمتابعه .

 

قاعدة كتراج في الثقه

الثقه لا تبني بالكلام

الثقه تبني بالرجوع

يعني ايه ؟

ترجع تسأل .

ترجع تبص .

ترجع تتابع .

حتي لو دقيقه .

 

الزياره الاولي ( زيارة الفهم )

هدفها مش البيع .

هدفها :

-        تسمع

-        تفهم

-        تشخص مبدئي

-        تطمن

-        تسيب انطباع هادي

-        جملة كتراج في الزياره الاولي :

-        " خلينا نبدأ خطوه بسيطه ... وأنا اتابع معاك "

-        ما توعدش كتير

وعد صغير + تنفيذ = ثقه

 

الزياره التانيه ( زيارة المتابعه )

ترجع وتقول :

" انا عديت أشوف اللي عملناه جاب نتيجه ايه "

الجمله دي لوحدها ترفع مكانتك .

حتي لو النتيجه ضعيفه – وجودك مكسب .

في الزياره دي :

-        تقارن

-        تعدل

-        تشرح اللي حصل

 

الزياره التالته ( زيارة التثبيت )

هنا تبدأ العلاقه تتحول لشراكه .

تتكلم في :

-        برنامج

-        خطوات جايه

-        تنظيم معاملات

-        متابعه دوريه

جملة كتراج :

" نظبطها نظام مش رد فعل "

 

تفاصيل صغيره تصنع ثقه كبيره

في الارض :

-        تناديه باسمه

-        تفتكر المشكله اللي فاتت

-        ما تستعجلش

-        تمسك الزرع وورق النبات بايدك

دي مش مجاملات – دي ثقه

 

الغلطه اللي بتكسر الثقه

مهندس يقول " هعدي بكره "  وما يعديش .

الوعد الزراعي لازم يتنفذ .

حتي لو اتصال .

 

جمل كتراج في المتابعه

-        انا متابع معاك مش سايبك

-        الزرع ده بقي مسؤليتي معاك

-        النتيجه بتتبني مش بتيجي مره واحده

 

مهمه تطبيقيه داخل التطبيق

-        سجل متابعه لعميل بعد زياره

-        صورة قبل / بعد

 

15- أخطاء تقتل الشبكات وكيف نتجنبها

 

الشبكات لا تسقط فجأه , هي تضعف تدريجيا بسبب أخطاء متكرره .معظم فشل الشبكات ليس بسبب النظام – بل بسبب طريقة التنفيذ .

الخطأ رقم 1

التسجيل بدون تشغيل

الخطأ :

تسجيل عدد كبير من الأشخاص بدون

-        تدريب

-        متابعه

-        نشاط

النتيجه :

-        شبكه شكليه بلا حركه .

الحل :

كل تسجيل = خطة تشغيل

متابعه أول 30 يوم

نشاط مسجل الزامي

الخطأ رقم 2

بيع الحلم بدون شرح العمل

الخطأ :

التركيز علي :

-        الدخل

-        التوسع

-        العموله

بدون شرح

-        المجهود

-        المهام

-        النظام

النتيجه :

احباط سريع وانسحاب .

الحل :

-        وضوح كامل

-        لا وعود مبالغ فيها

-        شرح الجهد المطلوب

الخطأ رقم 3 اهمال التدريب

الخطأ:

انزال الناس السوق بدون

-        فهم

-        ماده علميه

-        سكريبت

-        نظام

النتيجه :

فقد ثقة العملاء .

الحل :

-        فترة تدريب الزامي

-        اعتماد قبل التشغيل

-        اختبار فهم

الخطأ رقم 4  ربط بدون قيمه

الخطأ:

تكويد عملاء :

-        بدون خدمه

-        بدون متابعه

-        بدون تفاعل

النتيجه :

عملاء غير نشطين – شبكه ضعيفه

الحل :

-        خدمه قبل التكويد

-        متابعه بعد الربط

-        نشاط مسجل

الخطأ رقم 5  غياب المتابعه

الخطأ

ربط أشخاص ثم تركهم .

النتيجه :

توقف نمو الشبكه .

الحل :

-        متابعه اسبوعيه
تقارير نشاط

-        دعم مباشر

الخطأ رقم 6

التركيز علي العدد لا النشاط

الخطأ:

الاهتمام بعدد الأعضاء فقط .

النتيجه :

شبكه كبيره – انتاج ضعيف .

الحل :

قياس النشاط

تقييم الاداء

تحفيز النشطين فقط

الخطأ رقم 7 العمل خارج النظام

الخطأ:

-        بيع خارج التطبيق

-        معاملات غير مسجله

النتيجه :

-        ضياع عمولات

-        ضياع بيانات

-        وفقد عداله

الحل :

-        كل شئ داخل النظام

-        لا نشاط خارج التطبيق

الحطأ رقم 9 غياب القدوه

الخطأ:

القائد لا يعمل ميدانيا

لكن يطلب من الاخرين العمل

النتيجه :

انخفاض الحافز .

الحل :

-        القائد يعمل أولا

-        نموذج يحتذي

-        نشاط ظاهر

قاعدة كتراج

" الشبكات لا تموت من قلة الناس تموت من قلة النشاط ”