دليل مهندس التنشيط داخل كتراج
دليل مهندس تنشيط المبيعات
انت مين جوه المنظومه ؟
- مهندس زراعي في الارض
- استشاري للمزارع
- حلقة الوصل بين المزارع والتطبيق
- مصدر ثقه للمزارع
- واجهة الشركه
مش مندوب
مش سمسار
مش محصل فلوس
الشركه لاتبيع مباشرة : التطبيق هو قناة البيع الوحيده
دورك ايه بالظبط ؟
الدور الاول : الدعم الفني والاستشاره الزراعيه وتقدم للعميل مجانا
تشمل :
- زيارة المزارع / الحقل
- وضع برامج رش وتسميد مبدئي
- تشخص
- متابعة الحاله ( زيارات / اتصال )
مهم :
- لا تفرض شراء منتج
- الحل دايما علمي ومبرر
الهدف : التواصل مع المزارع وثقته
الدور التاني : تمكين المزارع من التطبيق
بعد تقديم الخدمه :
- تعرف المزارع علي التطبيق
- تشرح له
ازاي يشتري
ازاي يوصل للدعم الفني
ازاي يتابع طلبه
كلامك يكون :
" كل اللي اشتغلنا عليه ده موجود جوه التطبيق , وأنا والدعم الفني معاك دايما "
الدور الثالث : بناء شبكه
تشرح للمزارع او للعميل بتاعك :
- ان التطبيق فرصة دخل اضافي
- من خلال
ترشيح مستخدمين
مساعدة غيره ازاي يشتري
تسويق خبرته أو تجربته الشخصيه مع الشركه ( نتائج المركبات وحل مشكله معينه لديه ونتائج خدماتنا وخدمات التوصيل والمتابعه بالاضافه لفكرة العمل معنا كمسوق بالعموله )
توضح ببساطه :
- مفيش مخاطره
- مفيش التزام شراء
- كله شغل ع الموبايل
ثالثا: يوم عمل مهندس تنشيط المبيعات
- زيارات ميدانيه ( 3-5 حسب المنطقه )
- خدمه فعليه للمزارع
- تسجيل ملاحظات عن التطبيق وردود أفعال العملاء ترسل علي جروب واتس خاص بكل مهندس
- ارسال تقرير مختصر
رابعا : قواعد لا تكسر
1- لا بيع مباشر
2- لا وعود غير مؤكده
3- لا نقاش سلبي عن شركات أو منتجات
4- المعلومه الزراعيه = مسؤليه
خامسا : اسلوب الكلام مع المزارع
غلط تقول :
- المنتج ده احسن
- الشركه دي وحشه
- اشتري دلوقتي
صح :
- الحاله محتاجه كذا
- الحل العلمي كذا
- التطبيق بيسهل عليك كده
سادسا : النجاح بيتقاس بأيه ..؟
- عدد مزارعين تم خدمتهم فعليا
- عدد مستخدمين نشيطين علي التطبيق
- جودة المتابعه
- حجم الشبكه المتكونه لكل مهندس
سابعا : انت بتبني أصل
- اسمك
- ثقة الناس
- شبكتك
والشركه شريك نجاحك " انت بتزرع النهارده ... وتحصد سنين قدام "
ايه اللي أنا عاوزه منك ..؟
أنا عاوز منك تكون
- استشاري زراعي حقيقي
- تخدم العميل أو المزارع " بدون ما تاخد منه مقابل "
- تروج للتطبيق من غير بيع مباشر
- تبني شبكتك واصولك للمستقبل
سكريبت مهندس تنشيط المبيعات – في الارض
1-بداية الكلام مع العميل ( كسر الجليد )
اول 30 ثانيه
" ازيك ياحاج , انا م . .... من شركة ... , دوري اني اساعد المزارعين في التشخيص والمتابعه الفنيه , من غير بيع ولا فلوس , بس نتطمن علي الزراعه ونظبطها ونتابع مع بعض "
الهدف :
- يتطمن
- يفهم انك مش جاي تبيع
2-فتح الحوار ( فهم الحاله )
اسأل قبل ما تتكلم
" احكيلي الزرع عامل ايه .. ؟
" اخر رشه كانت امتي وبايه وليه ..؟
" بتواجهك مشكله اكتر حاجه ف ايه ..؟
وهكذا
ممنوع مقاطعه
اسمع وسجل في دماغك
3-التشخيص "من غير تنظير "
" اللي ظاهر قدامي ان المشكله الاساسيه كذا ..
وده سببه غالبا كذا , والحل العلمي يبقي كذا .."
نقطه مهمه
- كلام بسيط
- من غير اسماء تجاريه لمركبات
- من غير تخويف
- وخلي بالك المعلومه اللي هتقولها مسؤليه كبيره جدا ولازم تكون متأكد منها 100%
- متفتيش قول مش عارف احسن أو قول هتأكد من المعلومه دي وأرجع لحضرتك ولما توعد متخلفش هرجع لحضرتك يبقي هترجعله فعلا
4- الطمأنه
" المزارع عاوزك تطمنه وتقوله ان في حل للمشكله دي ومفيش منها قلق
المزارع عاوز يسمع الجمله دي قبل أي حاجه
5-ادخال التطبيق "من غير ضغط "
" التطبيق فيه دعم فني من مهندسين متخصصين , وأنا واحد منهم , يعني المركبات اللي هتطلبها من التطبيق احنا متابعين معاك في نتايجها وتوصياتها ومش بنسيبك "
6-شرح الاستخدام بسرعه
" حضرتك بتفتح التطبيق , تختار المحصول , تحط المشكله , توصلك التوصيه والمتابعه ولو احتاجتني أنا موجود "
ممنوع شرح طويل , الموبايل ف ايده اهم من الكلام .
7-ربط الشراء ( لو سأل بس )
لو قال اجيب منين ؟
" الطلب كله من جوه التطبيق , علشان السعر يبقي ثابت , والمنتج مضمون , والتوصيل لحد عندك "
لا ترشيح مباشر
لا ضغط
8-فتح باب الفرصه ( الشبكه )
" في حاجه تانيه ناس كتير بتعملها , التطبيق بيديك فرصه تكسب من خبرتك ومن نقل تجربتك معانا وده ممكن يحصل من غير ما تشتري حاجه , ولا تسيب شغلك , كله من الموبايل , الفكره ببساطه انك تنقل تجربتك الفعليه معانا لغيرك بكل مصداقيه وبكل صراحه وتعلمه ازاي يقدر يستفيد من كده وتعرفه نظام العمولات ونظام الرابط "
9-الاقفال الطبيعي
" انا هتابع معاك خلال كام يوم وأي حاجه تحتاج تستفسر عنها او قابلتك مشكله في زرعك كلمني ده دورنا اللي بنقبض عليه فلوس من الشركه "
جمل ممنوعه تماما
- اشتري دلوقتي
- ده احسن مركب في السوق
- الشركه الفلانيه وحشه
لو المزارع حس انك :
- فاهم
- مش طماع
- موجود بعد الزياره
- عاوزه تساعده وعاوز زرعته تنجح بجد
هو اللي هيطلب الشرا بنفسه